今晚TVB舉行《萬千星輝頒獎典禮2021》，開場即以歌舞表演炒熱氣氛，姜麗文更抽陶大宇版本《倒轉地球》水，表演設計跟得上潮流。而今晚《萬千星輝頒獎典禮2021》大會司儀有成九位，包括：森美、李思捷、譚玉瑛、鄭子誠等人，而今晚將會頒發16個獎項。
開場表演幾乎全台出動。
姜麗文抽陶大宇版本《倒轉地球》水。
今晚有成9個司儀咁多！
首個大獎「萬千光輝演藝人大獎」由久未回TVB的狄龍及秦沛任頒獎嘉賓，狄龍以六字大讚得獎人：「多功能，全方位。」更大爆曾與得獎者同居。秦沛就笑稱狄龍比他更早認識得獎者，但得獎者其實是秦沛細佬姜大衛！
秦沛話好耐冇返TVB。
狄龍話同姜大衛同居過。
兩兄弟少有同台。
姜大衛獲獎時多謝公司及高層樂易玲和曾勵珍，並叫大家給予更多機會後生新一代，又多謝一眾台前幕後工作人員多年來照顧，最重要是多謝老婆，他說：「佢照顧好屋企，等我去工作，冇佢就冇姜大衛。」對於有人問他何時退休，他表示：「我都未識晒所有嘢，演員呢行冇退休呢兩個字。」
姜大衛未打算退休。
