Omicron新冠肺炎變種病毒引致香港爆發第5波疫情，特首林鄭月娥前日宣佈新一輪防疫措施，除了晚市禁堂食、關閉多個場所外，大型集會如演唱會都要取消。張敬軒慶祝入行20周年舉行的18場紅館騷，由第11場起合共8場因此全數要延期，軒仔曾出post樂觀表示：「希望疫情盡快散去，我相信我哋好快會再見面！」不過，在休息期間軒仔似乎有點不滿，今日在社交網大發牢騷：「唔係冇嘢想講，不過唔想新年流流講粗口。我飲多兩日夏枯草先。」
之後連環Hashtag：「唔好叫我休息」、「我一啲都唔攰」，並透露每開5場騷後一定會去照內窺鏡檢查聲帶：「黃醫生話我轉咗發聲位置同Ear Mon System調過之後，把聲好似冇損毀過咁。我冇一晚留力留聲，佢話可以唱卅場，只要瞓夠八個鐘。」他透露原本還準備了多首經典歌，笑言：「依家唯有攞啲譜嚟送住粥先。」欣宜都有留言安慰：「The perfect timing will come. I love you」，林欣彤亦說：「休息是為了走更長的路呀皇上。」
張敬軒指每次演唱會都冇留力，狀態極佳。
8場演唱會無奈要延期，軒仔心情灰爆。
欣宜曾任軒仔個唱嘉賓，亦有留言鼓勵對方。
軒仔日前亦叫大家齊心抗疫，健康、安全第一。
立即下載 | 全新《星島頭條》APP : https://bit.ly/3yLrgYZ
