香港正值第五波疫情，政府於晚上開始實施6時後禁堂食兩星期，飲食業界首當其衝受影響，藝人投資食店無一倖免，齊齊咬緊牙關。對出爐視帝譚俊彥而言，禁堂食等同執笠，他索性重整店舖再出擊。出爐視后林夏薇叫「好慘」！黃宗澤急推經濟早餐幫補。
文：卓寶花、鍾舜英 圖：朱偉彥
譚俊彥（Shaun）在土瓜環經營的西餐廳「forkers 」，初開業後經歷疫情，生意幾乎癱瘓，後來腦筋轉彎將舖頭轉型，Shaun做生招牌招呼客人，大走親民路線，贏得一班捧場客。近月生意也慢慢穩定下來，豈料再次因為疫情爆發第五波，而令餐廳的經營出現問題，由於「forkers 」主力做晚巿，禁堂食如同停業。Shaun說：「今個月對舖頭係沉重打擊，我哋主力做晚市，冇限時入坐，禁晚巿等同直接執笠，但上天對我好好，自從拍完《男神廚房》後，又吸納咗一班客人，未來計畫將舖頭執一執，研究新菜式，希望疫情下有新嘅菜式帶給大家。」
林夏薇在港開設多間「功夫點心」店，近年幾番經歷疫情限制措施，慶幸依然屹立不倒，亦曾在疫巿下擴張分店。面對今次第5波疫情，她無奈指：「影響一定有，亦一定會遵從政府指引。當然好慘啦，不過比較好的是我哋唔係主力晚市，睇吓外賣上會唔會幫補到，一定係要捱，睇吓要捱幾耐，希望疫情快啲過。」昨日黃埔分店午市如常營業，有不少食客幫襯。」
黃宗澤在尖沙咀經營西餐廳「Oystermine」 ，他說：「影響就實有，最緊要第五波疫情快過去，舖頭會作出時間調動，新推出早餐試試，同時會推出外賣套餐，希望做多啲生意。」損失晚巿堂食之下，店舖提早開業，由上午十時起推出「38元起」的早餐，以實惠價格吸客。
至於陳豪的「BLOOMS Coffee」位於尖沙嘴K11 Musea的店舖，日間生意沒受影響，依然客似雲來。
而MIRROR成員江𤒹生（Anson Kong）、柳應廷（Jer ）、ERROR成員梁業（肥仔）合資，在尖沙咀開設的日式串燒店「Kageno Tori」，開業短短半個月，獲大批鏡粉支持，預約爆滿至3月，面對晚巿停堂食，店舖急做午巿幫補，還向改不到時間食午巿的客人退訂。
立即下載 | 全新《星島頭條》APP :https://bit.ly/3yLrgYZ
