馮允謙(Jay)同林奕匡(Phil)分奪今年叱咤唱作人銀獎及銅獎，兩人同樣有音樂才華又鬼聲鬼氣，所以好老友。今日前者上載咗自己被偷拍瞓覺嘅片，片中嘅Jay坐喺化妝枱前瞓著咗，個口微張，瞓得相當冧，一般人擘大口瞓都唔多靚仔，但佢OK喎，仲好想幫佢冚被添。
瞓得好冧。
好少人瞓着都咁靚仔。
當事人話工作人員成日影低佢啲尷尬樣，仲話可能稍後會Delete，咁期間限定當然秒Save，而佢老友阿Phil都睇到呢個Po，除咗笑，仲讚段片拍得幾好，特別係個變焦，仲問個電話係咩型號。
想知答案嘅自己入Jay個Po睇啦。
周四晚，Jay趕得切喺禁晚市堂食前同爸爸食生日飯。
立即下載 | 全新《星島頭條》APP : https://bit.ly/3yLrgYZ
