前日，39歲的前女子組合2R成員Race（黃婉佩）喺IG自爆去歐遊時中招，所以喺法國同瑞士都無四圍去留喺租住嘅獨立屋隔離。原來佢嘅4歲囡囡Cara都確診，仲因為年紀細冇打疫苗，發高燒三日，症狀最嚴重。不過而家無晒事，多謝朋友嘅關心。
Cara因為中招發高燒發咗三日。
Race有感而發，覺得同新冠肺炎鬥爭咗咁耐，佢嘅家人亦啱啱確診，佢有嘢想分享畀打咗疫苗，症狀好輕微嘅確診者，「對於感染新冠肺炎嘅朋友及同事，我哋大多數人都好好，所以我諗係時候同佢共存，遲早就好似感冒一樣，其實流感都會殺死好多人。」
繼上載法國山區靚靚木造獨立屋靚相後，Race喺瑞士日內瓦湖畔嘅Thonon都租咗間靚屋，間屋好大，地下所有大窗都可以望到日內瓦湖，睇完雪山再睇湖，仲可以坐喺暖笠笠嘅室內睇住湖邊放煙花，Race真識歎。
大廳有落地大窗可以望到湖景。
全木裝修好有格調。
Race坐火爐邊睇書。
Race一家就係住呢間好得意嘅獨立屋。
好想去旅行。
Race老公同囡囡。
Race老公整嘢食。
坐喺落地大玻璃窗前睇煙花。
一家人一齊整的家常小菜。
Race呢間湖畔屋冇廚師，成家人同朋友要自己煮飯，而囡囡都學識洗衫同擺好餐具。對於呢間屋，Race評價好簡單，「同山區相比，網絡好好多，所以我嘅工作效率更高。」雖然老公大把錢，但Race繼續做嘢，仲係金融地產界嘅女強人，佢仲話有啲人去旅行時都會工作，但佢就覺得咁做好唔明智，因為時差問題，凌晨2點或4點起身開會一啲都唔好玩。
立即下載 | 全新《星島頭條》APP : https://bit.ly/3yLrgYZ
