MIRROR呂爵安（Edan）首登大銀幕與吳君如、鄭中基、梁詠琪等合演賀歲片《闔家辣》，原本電影今日舉行首映禮，因為疫情影響，電影需要延期至最快年初四才上映。今日君如和Edan再度突擊落九龍區簽海報，君如更於社交網做直播，期間她先為後日（21日）25歲生日的Edan送上蛋糕，更笑言要嘴咀壽星仔，二人即相當合拍一齊嘟嘴扮錫錫，Edan談到生日願望表示：「集氣希望《闔家辣》年初四可以同大家見面，希望唔好再推遲。」其後再表示期望電影大賣及開續集。
君如在車上向Edan送上蛋糕預祝他後天生日。
Edan指君如今天還請他食飯，大讚這位戲中姑媽很sweet。
接着兩人到九龍區突擊簽海報。
Edan透露生日當天會與家人一起渡過，吃媽咪炮製的愛心飯，他又表示：「其實君如今日請我食飯同我預祝生日，佢專程搵咗個廚師為我下廚，姑媽真係sweet。」君如鬼馬囑咐Edan：「25歲係另一個階段，唔可以再扮小朋友，幾時請飲？」Edan笑着回應：「下一個25歲就請飲！」
君如向Edan追問有沒有女朋友， Edan謂：「梗係冇啦，專心工作，同埋而家太忙都冇時間拍拖。」問到會否帶人到君如家拜年，君如笑言︰「帶女Fans跟住就帶埋Anson Lo（盧瀚霆），叫埋Anson Lo嚟啦，大家hehe haha啦！」
Edan努力為海報簽名送給現場的fans。
兩人都希望戲院可以在年初四重開，電影可立即上映。
首次登大銀幕，Edan被君如問到有冇信心，他坦言：「我都幾緊張，唔知自己做得好唔好，咁大個銀幕第一次見到自己出現，如果做得唔好咪好明顯，不過好彩君如幫我打咗好多支強心針。」君如則大讚Edan做得好，她笑說：「放心，做得唔好唔會放你上銀幕，打爛我嘅金漆招牌。」不過君如亦直認近日壓力大，爆了很多壓力瘡，因為對這部電戲有期望，她更叫Edan有時間和她打麻雀減壓。
君如和Edan跟市民及fans影相留念。
君如叫Edan新年時帶同好兄弟Anson Lo一起向她拜年。
立即下載 | 全新《星島頭條》APP : https://bit.ly/3yLrgYZ
