自從去年北上參加真人騷節目《披荊斬棘的哥哥》，一眾Uncle好似梁漢文及林曉峰都喺內地好受歡迎，更聯同張智霖、陳小春及謝天華拍攝內地綜藝節目《大灣仔的夜》。
內地綜藝節目《大灣仔的夜》，好易打錯大灣區的夜。
節目講乜?官網咁寫，湖南衛視聯合推出煙火人情味綜藝，即係咩?
因為身處內地，梁漢文可以喺廣州開Show，綜藝加演唱會應該搵到唔少錢，見佢成日更新微博以為唔理IG，又唔係喎，佢發現有人冒認佢開Acc都Cap圖Po上IG提醒Fans，話晒個假Account有千三人Follow，「唔好意思我知有啲煩，但我擔心又有歌迷俾人呃，大家小心。」嗱，一日前佢先出Po，相片係佢喺飛機上影嘅，Caption係「牛年最後一個工作（北京）記錄一下」，估計佢而家仍身處當地，就咁嘅，內地正常唔可以玩IG，但佢都翻牆提醒歌迷，好有心喎。
廣州開Show。
假帳號都有千三人Follow，難怪Edmond擔心。
周三飛去北京做過年前最後一個Job。
立即下載 | 全新《星島頭條》APP : https://bit.ly/3yLrgYZ
