每逢過農曆新年,吳嘉禧(Cheronna)都會跟母親一起「自家製」蘿蔔糕送給親朋好友,除了向身邊人於新一年送上心意外,Cheronna藉此維繫兩母女的感情,她表示︰「人大咗,要工作同媽咪相處時間自然少咗,呢個係一個很好的親子活動,大家都會抽空一齊整,已經整咗超過10年。」
早前Cheronna趁拍攝空檔,即到工作地點附近的街市買材料整蘿蔔糕,見她不停於菜檔穿梭,又落手揀蘿蔔,其後又走到雜貨店選購爉肉,相當熟手,不過見她左揀右揀,最後空手而回,只買了幾舊蘿蔔。Cheronna解釋︰「我多去街市買菜類,因為好平而且量多。媽咪會比較熟手,如果買蘿蔔糕嘅材料,我真係只係一個幫手,負責攞材料,因為佢一個人一定攞唔晒。」
由於疫情關係,今個新年Cheronna表示不會周圍去,與家人待在家中靜靜過,她表示︰「其實都習慣咗,以前當然會去拜年,不過呢兩年疫情影響,所以都減少出去,加上自己都比較宅,可能新年打機度過啦。」提到虎年的願望,單身的Cheronna未有諗「脫單」,想繼續專注工作,她說︰「新一年音樂上仲有進步空間,覺得自己仍需努力,虎年希望音樂上會多啲產量,希望寫歌上會有進步,多啲自己創作嘅作品。」
![Cheronna趁拍攝空檔,到工作地點附近的街市買材料整蘿蔔糕。](https://image.hkhl.hk/f/1024p0/0x0/100/none/fd039856af0173b9c54654c17a1c06b7/2022-01/CO2_0504.jpg)
Cheronna趁拍攝空檔,到工作地點附近的街市買材料整蘿蔔糕。
![食材多數由媽咪準備。](https://image.hkhl.hk/f/1024p0/0x0/100/none/b3a34fcfb868558baeffffc80e93ee72/2022-01/CO2_0539.jpg)
食材多數由媽咪準備。
![Cheronna同媽咪一齊整蘿蔔糕,已經有10年。](https://image.hkhl.hk/f/1024p0/0x0/100/none/267f51276e8b867c17b4c3df14f5d531/2022-01/CO2_0573.jpg)
Cheronna同媽咪一齊整蘿蔔糕,已經有10年。
![虎年的願望,單身的Cheronna未有諗「脫單」,想繼續專注工作。](https://image.hkhl.hk/f/1024p0/0x0/100/none/c25f04efb694cbc568e3ed520389f13c/2022-01/CO2_0613.jpg)
虎年的願望,單身的Cheronna未有諗「脫單」,想繼續專注工作。
立即下載 | 全新《星島頭條》APP : https://bit.ly/3yLrgYZ