汪小菲（現名：汪少菲）自去年11月宣佈與大S（徐熙媛）離婚，就即傳出二人分開是因第三者介入，有指第三者正是內地女星張穎穎。上周有傳汪小菲與媽媽張蘭在海南島度假，有內地網民目擊二人與張穎穎同枱食飯，不過張蘭就即日拍片否認。
有內地網民大年初二（2日）撞到汪小菲同張蘭喺海南島。
有傳張穎穎都在場。
張蘭拍片否認同張穎穎一齊度假。
有指汪小菲同大S離婚，係因為張穎穎介入。
今日有內地傳媒報導，日前影到汪小菲喺街頭拖張穎穎，今次似乎冇得唔認戀情嘞！影片可見汪小菲同成班朋友飲到醉晒，汪小菲仲一度企唔穩要人扶，不過佢似乎冇因為飲大咗而拖錯人噃！一伸手就捉得住張穎穎隻手，仲係十指緊扣。嗱！之前張穎穎曾經出過Po否認同汪小菲拍拖，其後即刻刪咗個Po，唔知今次又會唔會出Po回應呢？
汪小菲被影到飲醉酒同張穎穎現身街頭。（微博圖片）
同張穎穎十指緊扣。（微博圖片）
立即下載 | 全新《星島頭條》APP :https://bit.ly/3yLrgYZ
