馬國明今日（13/2）48歲生日，女友湯洛雯（靚湯）踏入零時在社交網貼上二人頭貼頭合照，是二人認戀後罕晒私下甜蜜合照。靚湯留言：「生日快樂，最重要身體健康，我的大細路」，並配以馬及紅心的表情符號。
過往私下合照都是未拍拖前拍的。
自認戀開始，二人就以獨角獸及小馬公仔代表他們。
合照一出，眾好友同事及網民都留言祝福，大讚「好襯」；準新娘陳煒留言：「襯到爆！閃到盲！壽星仔快啲娶老婆啦！」陳敏之與梁麗翹都留言：「結婚啦！」實行齊齊催婚。最搞事的蕭正楠，則留言：「大細路？邊度大？邊度細？邊度路？生日快樂我的明哥」。
馬明則在今早才在靚湯貼文下留言：「希望大家都身體健康…一家人平平安安……」，既然都以一家人形容了，快啲拉埋天窗啦！
蕭正楠與靚湯拍《一笑渡凡間》時，見證二人拍拖。
靚湯曾為馬明拉票，公開承諾馬明冧莊視帝就結婚。
更多第5波疫情資訊，請到以下專頁瀏覽：（按此）
立即下載｜全新《星島頭條》APP：https://bit.ly/3yLrgYZ
