TVB劇《愛‧回家之開心速遞》飾演朱天梯（TT）的梁証嘉（Kelvin），今日情人節榮升做爸爸，恭喜！Kelvin與太太結婚接近3年，今日在社交網上載一家三口合照，Kelvin抱住BB剛出世還未收水腫的BB，太太則戴住口罩躺在牀上，Kelvin興奮留言：「情人節收到最好嘅禮物，就係多咗一個爸爸嘅身份，而家終於可以同大家分享！」
Kelvin對太太無限感激：「喺陪產僅有嘅15分鐘，見證到梁太嘅勇敢，同埋體會到世上各位女士嘅勇氣同堅強力量！生BB真係一啲都唔簡單，我好慶幸成個過程都好順利，仲有好多好多嘅人幫我哋！」他多謝完一班醫護人員後，再次不兼肉麻多謝太太：「最後就係多謝梁太，你知我肉麻嘢好少講…不過今次真係忍唔住…下刪3000字，好喇，介紹翻佢就係啱啱出世嘅小Jacob，希望你健康快樂咁成長！歡迎各位爸爸媽媽同我分享吓湊仔經，等我未來呢幾個月唔使咁手忙腳亂🔥 #小Jacob似唔似我 #個心忐忑左九個月 #我陪產嘅時候血壓飆升緊張到差啲爆血管」。
現年33歲的梁証嘉十分長情，與太太是青梅竹馬戀人；礙於太太任職工程師，所以Kelvin從來沒有在社交網上放閃，今次太太戴住口罩影全家福，認真難得。
Kelvin同太太係青梅竹馬戀人，結婚近3年終於誕下愛情結晶品。
大家覺得小Jacob似唔似Kelvin？
Kelvin細個時候個樣。
梁証嘉喺TVB劇《愛‧回家》飾演TT朱天梯。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
