一輛救護車駛至瑪嘉烈醫院對開一個右彎位時未有扭右，直接撞向路邊一個電箱及一支快相機。影片截圖/FB圖片
長沙灣有救護車發生交通意外！有網民在社交媒體Facebook群組「馬路的事討論區」上載一段車Cam片，一輛救護車沿荔景山路往長沙灣方向，駛至瑪嘉烈醫院對開一個右彎位時卻未有及時轉右，直接撞向路邊一個電箱及一支快相機，連片主都不禁驚呼「哇做咩呀？」
警方表示，昨日（14日）下午1時許，一輛救護車於長沙灣荔景山路行駛時，撞到一支交通燈，初步指意外中無人受傷。
由於本港爆發第5波新冠肺炎疫情，每日均有逾千人確診，醫院系統面臨嚴峻考驗，救護人員的工作量亦直線上升。不少網民看完影片後，紛紛替救護人員感到心痛，認為他們是過於疲勞導致發生意外，「唉…..做死人就係咁嘅情況，睇到真係教人深表無奈，只能希望佢無乜大礙同埋唔好孭咁大鑊」、「可能日載夜載確診病人，攰得滯，瞓著咗，血肉之軀嚟㗎，機器都會疲勞故障啦，而家真係辛苦哂啲救護同醫護」、「不得不說醫護他們真的太辛苦了，這情況要好好體諒吧！」
另外亦有網民提醒大家勿濫用救護車服務，增加救護人員的負擔，「醫護辛苦了，大家盡量幫幫手。唔好亂call救護車增加醫護人員嘅負擔，將資源留返俾最有需要嘅人」、「梗係太攰啦，而家啲人係又call救護車唔係又call救護車，濫用資源」。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
