Phil不想再講客套話，坦言恨攞男歌手獎。
Previous Next

林奕匡（Phil）早前推出EP《Philosophy》，集合了2021年推出的4首歌，包括新歌《解答》。 Phil坦承人生有很多事沒有標準答案，譬如有人會覺得他埋首音樂創作很悶，而他卻樂在其中。談到頒獎禮，他直言仍對「男歌手獎」有追求，但開心去年為MIRROR成員寫歌有好成績，新一年想創作10歌給其他歌手。採訪：杜杜 攝影：沈健程 形象：Queenie Yu 髮型：Wilson Wong 化妝：Gabbie Lee 場地：Place:@cafewanderhk

 

Phil認為人生本來是痛苦，但音樂卻帶給他快樂。
Phil認為人生本來是痛苦，但音樂卻帶給他快樂。

 

Phil新EP《Philosophy》收錄《時間的囚犯 》、《沉思者》《關於愛的碎念》和《解答》。
Phil新EP《Philosophy》收錄《時間的囚犯 》、《沉思者》《關於愛的碎念》和《解答》。

 

Phil的新EP《Philosophy》探討人生哲學，《解答》就想講人如何在生活中搵到快樂，而在Phil哲學中，人生從來是苦中作樂，「每個人答案同定義唔同，我一日喺間房寫歌做歌係好快樂，有啲人覺得唔係，音樂上令我搵到滿足感，喺音樂上同喺台上嘅喜悅，可以抵銷好多壓力或者捱幾多個通宵。」

 

《關於愛的碎念》和《解答》MV，Phil都搵了倪安慈任女主角。
《關於愛的碎念》和《解答》MV，Phil都搵了倪安慈任女主角。

 

Phil在《叱咤頒奬禮》奪得「唱作人銅獎」。
Phil在《叱咤頒奬禮》奪得「唱作人銅獎」。

樂見MIRROR冒起

在年初舉行的《叱咤頒奬禮》Phil奪得「唱作人銅獎」，他直言更恨攞「男歌手獎」，「呢個永遠都係我想去攞嘅獎，呢個係一個肯定，唔單止創作，係整體嘅歌影響到幾多人，觸動幾多人嘅心，仲未攞到我會繼續努力。早兩、三年，我可能會講有獎冇獎唔緊要，錦上添花，但太客氣嘅說話唔真實囉！做音樂唔容易，我哋都需要大家嘅支持，我仲有冇機會做到自己鍾意做嘅嘢上到舞台，全部都有關係，冇獎我會更加努力，但會有少少失望。」

 

Phil為姜濤寫的《Dear My Friend,》得到《叱咤頒奬禮》「我最喜愛的歌曲大獎」。
Phil為姜濤寫的《Dear My Friend,》得到《叱咤頒奬禮》「我最喜愛的歌曲大獎」。

 

Phil跟Edan合作很開心，更期待跟更多MIRROR成員合作。
Phil跟Edan合作很開心，更期待跟更多MIRROR成員合作。

 

不過，Phil開心去年能為姜濤、Edan（呂爵安）和葉巧琳寫歌，姜濤的《Dear My Friend,》更得到《叱咤頒奬禮》「我最喜愛的歌曲大獎」，而Edan和新加坡歌手邱鋒澤合唱歌，更有廣東版《一表人才》同國語版《年青有為》。對於MIRROR冒起，他認為是好事，「佢哋做嘅嘢係牽動到樂壇去追音樂，唔單止香港，我寫完歌畀佢哋，好多喺外國嘅人留 Message畀我，去到北美洲、歐洲咁遠嘅人，留意香港嘅歌，咁梗係好事。我同佢哋合作同互動，都令我了解更多年青人諗法。」今年Phil對自己要求更高，「我希望寫到10隻歌畀人，雖然唔係多就係好，但係想推動吓自己。」

 

Phil跑勻港九新界近 30 間 CD 店，為新碟宣傳。
Phil跑勻港九新界近 30 間 CD 店，為新碟宣傳。

 

Phil出EP《Philosophy》，獲粉絲到唱片舖掃貨支持。
Phil出EP《Philosophy》，獲粉絲到唱片舖掃貨支持。

 

更多第5波疫情資訊，請到以下專頁瀏覽按此 https://bit.ly/3JqiBzz

立即下載 | 全新《星島頭條》APP :https://bit.ly/3yLrgYZ