天后容祖兒（Joey）早前返港與家人過農曆新年假期，近日又要回內地開工拍劇，由於疫情關係，她需跟據內地防疫規定，到酒店進行隔離。14天隔離實在令人悶得要命，為了自娛同時為大家帶來一點點歡笑，Joey在隔離期間總會不停搞搞新意思。前日（19日）Joey上載短片，素顏兼穿睡衣打板球，她則留言：「今日打波！」更稱自己「自得其樂祖」。
隔離都要做吓運動嘅。
一齊睇吓Joey嘅身手！
片中Joey拿着球拍將波向上打，在連打十多球後終於失手，她想一展拋球拍技術，可惜甩手令她尷尬萬分，她更加入烏鴉飛過特效，讓網民看看她的「烏龍樣」。Fans留言：「奧運選手容祖兒」、「儲埋咁多絕技可以參加奧運啦」、「隔離隔到你咁充實真係人生勝利『祖』」，就連林盛斌（Bob）都搞笑留言：「好犀利，天才先至可以做到呢個效果。」Joey都回敬他一句：「衰嘢！」
拍都跌埋……
自己都有啲尷尬。
Bob咁樣笑天后都有嘅，真係衰呀！
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
