鄭世豪在《鐵拳英雄》中飾演畢易/步青原一角，在昨晚（19日）大結局中為救人不惜犧牲自己，令人動容。在演藝圈打滾超過二十年的鄭世豪，早前接受TVB娛樂新聞台節目《星光路上》訪問，與主持潘盈慧大談入行多年的趣事以及心路歷程，節目於昨晚（19日）及今晚（20日）一連兩集播出。

藝訓班出身的鄭世豪，當過七年禮儀先生，輾轉捱足16個年頭，終於憑《愛・回家之開心速遞》中的細龍生一角成功彈出。世豪自知不是天生的好演員，覺得所有經歷都是學習、而不是捱；但面對娛樂圈突如其來的高低起跌，亦會有氣餒時：「好似當年《搜神傳》同《金石良緣》嘅監製畀咗好好嘅角色我，但下一套劇可能又去番未必有對白嘅角色，去到呢啲位就會唔開心。」

拍劇有好多不為人知的辛酸，他自爆曾擔任過「死屍」替身，更不幸地意外受傷，但他為了保持「專業」，竟堅持至完成拍攝才喊痛。他說：「當時我闔埋眼瞓喺度，機位打平擺喺我隔籬，我每被拮一吓刀，我都要做反應抽搐嘅。咁把刀Suppose係會 Chok落我啲手指隙度，當時個景同把刀都係木嚟嘅，咁 Chok落嚟會有聲架嘛，但有一吓突然冇聲喎，點解嘅呢？原來把刀Chok咗落我手臂度，好大力嘅！」事後他的手腫晒，痛到動不得，連自己都要讚一句好專業。

鄭世豪在《鐵拳英雄》的演出，完全擺脫細龍生的影子。

鄭世豪入行21年。

鄭世豪當過七年禮儀先生。

鄭世豪與主持潘盈慧大談入行多年的趣事以及心路歷程。

為圓歌手夢參加逾100個歌唱比賽

憑演戲捱出頭來的世豪，原來心底裏最大的夢想依然是當歌手。當年為了實踐歌手夢，世豪在短短三年內（1998年至2001年）參加了超過100個歌唱比賽，毅力驚人：「星期六、日、早午晚不斷係咁玩咯。（但你最後唔係因為歌唱比賽入行喎）原來要用唱歌入行係好有難度嘅。當年我讀訓練班時已經22歲，所以心境會順其自然啲，決定就咁順住條路去，梗有啲嘢到咗某啲時段，會有另一啲支線出現。」

最終在2013年遇上《星夢傳奇》這個機會，幾經奮戰與鄭俊弘、陳明恩及姚兵齊齊殺入決賽，並勇奪亞軍寶座。節目重搵了世豪當年得獎感言及父母在台下開心拍手的珍貴片段，世豪坦言即使過了這麼多年（接近9年），當時的「毛管戙」感覺仍是記憶猶新：「當時音樂響我已經毛管戙，流緊眼淚。好開心，真係自己辛苦咗咁多年嘅一個交代。」而在今晚（20日）播出的部份，鄭世豪將大談細龍生及步青原這兩個重要角色對他演藝事業的影響，以及感謝太太支持，讓他可自資出碟一圓歌手夢。