唱作女歌手黃妍最近推出新歌《Little People》，以哀痛來撫慰哀痛，以愛之現實來撫慰現實。為秉承歌曲意念，新歌MV邀請了7位歌手、演員及素人，包括Cath的同門唱創歌手Michael C、女演員Alma Kwok 郭爾君及Yoyo Fung 馮海銳，來演繹各有不同含意的愛的故事。
這個MV概括來說，可算是「床戲接床戲」！但請別想歪，床戲都是有理由的，Cath解說道：「導演喺MV中整咗好多細節位，其中有一個係喺Background度有塊好大嘅百家布，裏面其實係我哋咁多個演員演自己故事時嗰張床單，我哋每個人張床單都唔同pattern，最後變成一塊百家布，就係代表住所有人都係Little People。」而Cath則被喻作同行者的角色，以歌在崩壞、反常的世界連結大家。
唱作女歌手黃妍最近推出新歌《Little People》。
攝製組要吊起成張床，黃妍一開始亦擔心離心力。
黃妍最後放棄安全措施，幸演出好順利。
狗狗亦有客串演出。
Cath還獻出自己的第一次、嘗試吊威吔，她說：「真係離地咁去拍MV！攝製組要吊起成張床，導演事先都有問我驚唔驚、怕唔怕高，我答佢只係怕離心力。一開頭都有啲擔心，但去到location就覺得好好玩！其實一開頭有個安全帶箍住我隻腳，但係因為我要喺張離地嘅床度做大了動作，綁住隻腳唔係好郁到，最後係掹走晒所有安全帶，其實係非常之有趣同好玩！」Cath更坦言，因為導演的精心安排，讓她可以更易投入感情去做lip sync，「所有嘢我都好喜歡！」
新歌MV邀請了7位歌手、演員及素人。
新歌概念以哀痛來撫慰哀痛，以愛之現實來撫慰現實。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
