作為公司老闆嘅林盛斌（阿Bob）《財政預算案2022》都係最留意大家熱烈討論嘅10,000蚊消費券，其他未細心去研究。他接受本報訪問時有感而發認真說：「我真係好希望有關方面可以有多啲支援同援助俾畀啲小商戶，身邊有好多朋友做飲食業、美容業、服務業真係好慘。」問到消費券可有惠及他經營的網上商店呢？他卻說：「冇！咁我嗰個網店嚟嘅，又暫時未用到消費券。」
林盛斌理財有心得，經常主持成功講座。
阿Bob係個未雨綢繆嘅人。
至於如何好好運用消費券呢？好有理財心得嘅阿Bob說：「我諗我同上一次一樣，我都係會去一間會收消費券嘅金舖，然後用盡嗰啲消費券去買啲最少手工費嘅金器或者銀器，個人認為咁樣會保值啲，同埋喺投資嘅角度，金同銀整體嚟講都係慢慢咁向上升，同埋呢個時勢，今日唔知聽日事，日後要應急都可以即刻攞去熔咗佢收返啲錢，可能有啲人會攞啲消費券去吃喝玩樂，買衫褲鞋襪，呢個係個人嘅選擇，冇問題嘅，只不過係我唔會咁做，我會着眼喺財富嘅累積多過即時嘅享樂。」至於疫情下學生哥提前放暑假嘅爭議，阿Bob淡然回應表示都冇辦法㗎啦，只能盡量配合。
阿Bob成功有道。
阿Bob對子女提前放暑假冇意見。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
