由張兆輝（輝哥）、苗僑偉（三哥）、馬德鐘（馬神）、黃宗澤、吳卓羲等人主演的劇集《飛虎3壯志英雄》正熱播，劇中四位「50+型男」三哥、輝哥、馬神與陳豪散發陣陣熟男剛陽魅力，被網民封為「中佬天花板」外，其中輝哥外剛內柔，更加獲得網民激讚。
輝哥演陳豪殉職後戲份，感情到位。
輝哥動作戲都親身上陣。
剛播出的第四集輝哥（飾 張偉樺）為躲避敵人的手榴彈，不惜化身「人肉滾球」，從約高三層樓高的扶手電梯上滾落地面，相當驚險，而原來為了達到最佳拍攝效果，輝哥堅持親身上陣，拒用替身演員，毫不錫身非常專業。而陳豪殉職令飛虎隊籠罩着一片愁雲慘霧，輝哥其中一幕在牀上難掩傷心之情流下男兒淚，盡顯紮實演技。
輝哥跟三哥同樣咁好戲。
網民睇完輝哥演出，紛紛大讚他好戲及59歲依然keep得勁fit。網民寫道：「張兆輝死咗個好兄弟，匿係床傷心流男兒淚一幕，好真實，男人就係咁，唔會爆喊，呢啲咪堅有戲。」、「有冇睇陳煒同張兆輝演老夫老妻，sad but true，嗰種同屋主feel，最親切的陌生人，好真實。」、「哇！張兆輝keep得好，五十幾歲，仲操到咁弗，爆炸槍戰嗰場無得輸，好有電影感。」
戲中輝哥跟三哥和馬神有不少對手戲。
更多新冠疫情資訊請到以下專頁瀏覽：（按此）
立即下載｜全新《星島頭條》APP：https://bit.ly/3yLrgYZ
