現年38歲的吳日言和老公Barry結婚後，現育有一女，今日接獲她懷有第二胎消息，她接受《頭條娛樂》訪問時透露去年11月發現有孕，初時自己也不為意，更去到自己的日式食肆的中央廚房幫忙，但有一天發現自己十分疲倦，加上月事不準時，檢驗下才知自己懷有第二胎。Yan笑說：「原本諗住喺生日畀個驚喜老公，但點知同佢講時，佢話一早察覺，個樣不知幾得戚，所以我決定我驗咗知係仔定女，但冇話佢知住，𠵱家佢都仲未知，我想拍低佢個驚喜樣，唔好話公佈，我屋企人冇人知係仔定女。」至於何時告知老公BB性別，Yan表示原本想搞Baby Shower時公佈，但現疫情下當然不會舉行，因此她也未決定在甚麼時候公佈，但她笑言老公不時會追問，例如指要為BB改名：「不過老公都好尊重我，佢話我幾時想講就講，咁我都折磨咗佢好耐。」
一家三口好快就變成四口。
吳日言現懷有約5個月身孕，可喜可賀。
但近日第5波新冠疫情嚴峻，陀b時會否份外緊張及擔心？Yan表示去年發現有孕時，疫情相對穩定，因此未有太過憂心，照出街約朋友聚會，怎料到今年初Omicorn開始大爆發，傳染力更強，Yan的確相對擔心，她謂：「因為我本身一直想有BB，所以一直未有打針，到有咗BB亦冇打，所以𠵱家係緊張啲，除咗去產檢就完全唔出街。」至於想生仔定女，Yan表示自己一直鍾意囡囡，但現已育一女，故此仔女也沒有所謂。
近日疫情嚴重，吳日言坦言心情也較前緊張。
為了整蠱老公，Yan未有向他透露BB性別。
Yan表示自己鍾意囡囡，因已育有一女，故今胎仔女也沒所謂。
更多第5波疫情資訊，請到以下專頁瀏覽
按此
立即下載 | 全新《星島頭條》APP : https://bit.ly/3yLrgYZ
