疫情消息｜拒戴口罩男確診後辦公室跪地痛哭網民不解：又唔係絕症

至今本港累計新冠病毒核酸陽性檢測個案575623宗及快速抗原測試陽性個案41796宗，可謂總有一個患者在附近。有網民在網上討論區「親子王國」發文，稱其家人一名男同事平日拒戴口罩，結果他快測陽性後接受不了，竟於辦公室痛哭起來嚇煞一眾同事。

發文者指，一名家人的男同事，疫情期間照樣在寫字樓跟幾位同事除口罩聊天食茶點，看似一點也不擔心疫情。結果「在office快測後等派彩，一男同事見陽性後爆喊再跪低，口水鼻涕出晒」，還激動地嚎哭「我好驚呀.....」。奇怪在這位男同事平時在室內從不戴口罩，亦口口聲聲說「有乜好驚」。而因公司規定，所有員工已經接種疫苗。

其他員工見狀立即鳥獸散，另一名同樣快測陽性同事則只好安慰他。上司之後命令2人馬上戴好個口罩回家自我隔離，並找人代交深喉唾液樽檢測。

不少網民大為不解，「點解要喊？」、「中咗就醫好佢囉, 喊咩呢?」、「影帝咩。誇到呢、又唔係咩絕症」、「佢兼職做舞台劇嗎？」。

有網民留言說，「點解唔係測咗先返工」，發文者解釋「佢哋無規定測咗先畀返工。但公司有快測供應，邊個有需要或懷疑或見係員工福利唔好蝕底可問老細即取即做。」

也有人質疑發文者誇大，發文者於是解釋，「我哋估喊係驚，跪係崩潰情緒的反射動作。忍到嘅我估佢唔會喊更唔會跪，畢竟病假過後返工都要面對返同一班同事。」