廣東惠州海域凌晨約2時半發生黎克特制4.1級地震，香港有震感。樂壇天后鄭秀文都在睡夢中震醒，她架上眼鏡，在睡牀上睜大雙眼驚訝說：「嘩！feel到地震。」並寫道：「feel到地震，差不多响凌晨2:30，有郁動兩三吓，你哋有冇feel到？#地震#我以為feel錯。」彭秀慧力證不是幻覺，葉佩雯就話個心離一離，連詩雅及一眾網民都留言話同樣感受得到。
陳健安保持幽默
至於不幸確診Omicron啱啱康復的C AllStar成員On仔（陳健安）就上載咗張一臉疑惑相，留言：「我feel到，你feel到？以為係新確診後遺症，大腦搖晃。」網友搞笑回應：「未中招嘅都feel到。」又大讚On仔「臨危不亂」仍然可以保持幽默。
黃婉曼記錄一吓
黃婉曼貼出對住夜空送上心心圖，說要去記錄一吓(地震)，並祝願世界和平：「半夜2:30感受到地震#搖咗幾下(吓)#你感受到嗎#廣東惠州4點1級地震#第一次喺香港感受到地震#願這世界平安。」
黃建東接受唔到
黃建東在IG問網民有沒有感受到？寫道：「有冇人啱啱feel到地震？我以為有鬼搖我張床(牀)，嚇得我吖。直至原來全個香港都feel到。」之後又話：「震一震，全個香港半夜三更都醒Q晒。Oh dear…聽朝返早嘅朋友瞓唔瞓得番？」#好驚呀我仲未接受到香港有地震囉#全城都即刻用緊手機。
麥明詩尋求資訊
另外，麥明詩雖然被地震嚇親，但仍然理性地搜集有關資訊了解狀況，她出Po問網民：「有冇人好似我一樣剛剛嚇親##網上未FC內地資訊 vs #分析緊嘅香港天文台#還我emergencyalert(預警信號)。又，莊韻澄、趙學而、E-Kids成員郁禮賢(Kasa)都同樣有feel。
更多第5波疫情資訊，請到以下專頁瀏覽
(按此)
立即下載 | 全新《星島頭條》APP : https://bit.ly/3yLrgYZ
