吳浩康（Deep）與郭思琳（Margiela）將於今日下午正式註冊結婚，並安排在戶外進行，連愛犬都有出席見證。新娘子郭思琳懷有3個月身孕，她穿上一條Tube Dress款婚紗，當拆除裙尾後，就變成貼身裙款，腹部微微隆起腰肢較粗，但靚樣依然不變。
向來眼淺的Deep在綵排時已經哭出來，表示婚禮前兩晚已經緊張到睡不着，「自己朝早起身去睇set up，企喺度諗要講啲乜嘢？有邊個會嚟？要多謝邊一位？瞓唔到，兩日都五點幾、六點就醒咗，所以都幾攰同幾緊張。朝早自己演練嘅時候已經喊咗。」
在戶外舉行婚禮，享受陽光。
吳浩康和郭思琳正式註冊結婚。
思琳懷孕3個月，肚凸凸腰肢亦較粗。
Deep話綵排婚禮已經喊咗出嚟。
Deep又大讚老婆郭思琳性格及孝心，「我鍾意我太太係一個好率直、好簡單嘅人，有乜就講乜，同佢相處唔駛估，係好嚮往同佢相處。佢唔止對父母好上心、好愛錫，對其他屋企人都好關心好照顧，好欣賞佢對家庭呢個態度。」問到畀太太多少分？Deep笑言剛學會新婚的第一課，「嘩！畀太太幾多分都唔夠喎，唔可以亂咁畀分，呢個係我啱啱新婚學識嘅事，所以太太一定係超過滿分㗎啦。」
升為新婚「人夫」，Deep坦言心態要再重新調整自己，很多事情需要重新學習，「無論係相處、對事件嘅睇法、價值觀都唔同咗，所以而家變得謙卑咗。過往當大家溝通有問題嘅時候，會覺得，『喂！你唔明白我』、『我係啱嘅』、『我識呢件事，你應該要聽我講』而家會調番轉，『可能有啲嘢我唔知呢』、『可能我未識呢』、『可能我唔了解呢』我都需要重新去學過，希望可以幫到個關係。」
愛犬都有參與。
畀太太超過滿分。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
