前年9月，前商台DJ細So（蘇耀宗）被踢爆背妻阿Wing（陳詠楠）偷食白滑KOL兼人妻練美施（Macy）兩年半，辛苦建立多年的好老公及好爸爸形象盡毀，雖然最後獲太太原諒，但喺香港應該唔會有運行，一家四口最後低調移居英國展開新生活。
偷食事件爆出後，細So刪除IG所有相片，深潛近一年，去年8月再活躍社交網，並公開「My Daily Live」課金平台賺錢。而老公被爆偷食後，一直熱衷玩IG的蘇太完全停止更新。不過，本年初佢終於上水，於IG Story上載早餐相，教你用三分鐘整一個生酮早餐，之後久不久都有更新，但都係PO食物相。
久別IG年半，細SO老婆年初終於上載新相到IG。
昨日（15日）蘇太終於PO片，不過片中只見到佢兩個仔去郊外摘草，見唔到細So，然後再返歸搓麵糰整意粉，是日晚餐有薄餅有香草意粉有麵有鍋貼又有餃子，雖然見唔到細So，但枱面有四個碗，估計佢都有份食。
細SO兩個囝囝摘草。
搞咗好多草。
細SO老婆整理香草。
整薄餅。
整意粉。
晚餐好豐富，留意返有四個碗。
細SO最新嘅Daily Live PO嘅相都係喺郊外影。
更多第5波疫情資訊，請到以下專頁瀏覽
按此
立即下載 | 全新《星島頭條》APP : https://bit.ly/3yLrgYZ
