關心妍（Jade）作客TVB娛樂新聞台節目《Star Talk》專訪，透露今年入行20周年，將推出實體專輯及計劃在紅館舉行演唱會慶祝。Jade感性謂雖然現在很多人聽歌都是透過手機，但她還是希望推出實體專輯：「始終我覺得要揸住隻碟，望住裏面啲相同內容，先感受到成個Concept同埋想帶出嚟嘅Energy。今次隻碟叫《Emergency》，係有由困局裏面跳出嚟嘅Meaning。」為了讓實體專輯更具紀念價值及意義，Jade除了在大碟名稱中暗藏「19＋1」這組數字密碼，還花了很多心思在造型照上：「差唔多每隻歌都有一個造型，所以花咗好長時間搭景。」
Jade又指其中一首歌曲《那些傷我也有過》，歌詞對她來說更是別具意義：「佢哋（創作團隊）話有邊個失戀冇聽過關心妍嘅歌吖？只不過我哋都長大喇，嗰啲痛都已經離開咗喇。所以聽到歌詞嗰刻，我自己都眼濕濕，原來我已經接受咗往日嘅笑罵同難過。」Jade透露聽回以往作品，也笑問自己當年「做咩咁慘」，並坦言那些都是真經歷：「我都經歷過嗰啲情傷，因為件事要真先打動到人。我嗰時雖然未必唱啲好正面嘅歌，但係我唱啲好Sad好明白大家嘅歌，其實就好似我陪伴緊你咁。」
Jade說著更大方提及當年引起熱議的「攞錯獎」事件，並謂希望透過自己過去的經歷，給予大家一點鼓勵及能量：「有邊個冇鬧過關家姐？有邊個冇笑過關菊英？呢首歌畀咗好多畫面我，我唔係傷心，係覺得原來呢啲事係可以過去嘅。我感動係我覺得自己都算堅強，所以好想用呢個鼓勵番大家，無論幾慘、幾瘀，畀人鬧到死，你都可以走番出嚟。」
談到演唱會，Jade坦言因為疫情關係影響進度，但她揚言不會放棄在2022年完成這個計劃的希望：「今年點都好想搞，因為今年係20周年，呢個20年係我同所有人嘅20年。」她又謂很希望演唱會能做到四面台：「人生入面點都要試一次四面台，呢樣係香港嘅特色嘢。」她又謂現時6歲的囡囡亦很希望能參與媽咪的20周年紀念演唱會：「佢喺背歌詞同音準係有啲天份，但都驚佢到時怯場。」
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
