方力申（小方）日前為「全港社區抗疫連線」擔任義工車隊一員，身體力行為社會出一分力。不過，就算再正能量的人，面對這兩年多的巨大疫情侵襲，再加上政府實施的抗疫措施，令大眾市民社交、娛樂活動大減，除了工作外只能待在家中悶到發慌，很多市民也出現抗疫疲勞現象。
這次就連小方也因抗疫辛苦要呻一呻舒發情緒，昨日（20日）在社交網貼出幾張照片，就是他家中用作健身的設施因差不多1年沒有用過，被媽媽拆掉改為安裝儲物櫃。他留言：「抗疫真係會疲勞㗎。泳池又停，工作又停，目標又冇，連屋企個健身架都拆咗三分二，不過其實我都冇練成年㗎喇，所以阿媽先話拆咗佢，要嚟做儲物櫃。疫情第五波，連我呢個正能量，都有放負嘅時候。唔好睇我成日post d 正面嘢就以為我一定好positive , 未必㗎，social media上面你見到嘅嘢未必係真㗎！當然，如果你被我感染，開心積極咗係好事，但如果你本身係唔開心嘅就千祈唔好有比較，令自己更加唔開心。」
方力申以前經常喺家中呢個健身架做健身。
由於差唔多1年冇用，被媽媽拆咗改為安裝儲物櫃。
他又指出，人人都有情緒，都有開心唔開心的時候，他可以讓自己頹廢，但要給自己一個限期，所以他就校返鬧鐘起身，每朝同阿爸阿媽飲咖啡，尋回興趣，他更從上星期開始做返少少gym。最後他再為大家打氣說：「開心一定搵得番嘅，係睇你想唔想，加油呀大家。我正面番㗎啦，可以繼續信同繼續like我啲posts。」
小方話頹廢都要有限期，而家校返鬧鐘起身。
日前仲幫手做義工。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
