遊戲節目《思家大戰》今晚（27 日）播出的一集，嘉賓有林盛斌（Bob）率領的「冇事復仇」隊，隊員包括吳若希、馮盈盈、麥美恩及林穎彤；另一隊則是由阮兆祥率領的「條氣唔順」隊，隊員包括陳自瑤、姜麗文、泰臣及一蚊Joe游莨維。今集嘉賓除了平時負責為節目暖場的一蚊Joe外，其他全是以往多集的輸家，今次眾人組成復仇者聯盟，揚言要玩謝李思捷，單是Chit Chat環節，嘉賓們已鬥講條氣唔順及復仇原因，出盡全力圍攻思捷！
「冇事復仇」隊
「條氣唔順」隊
當中以陳自瑤最有「道理」兼最激動，她扮晒勞氣投訴思捷謂：「明明嗰條問題個字係『聞』，但你就講咗『問』，咁就令到我聽錯咗，仲話係最佳男主持喎！」全場即噓爆兼嗌回水，氣氛異常高漲；最後兩隊非常合拍，齊齊對着思捷大嗌：「我哋唔係要嗰五皮，係要收你皮！」
陳自瑤細細聲講「踩界答案」。
個樣勁尷尬。
問答環節氣氛亦同樣熾熱，馮盈盈、姜麗文未埋牙先來眼神過招，互相大晒「狠樣」，雖然兩人戰意高昂，但可惜先後答錯問題，有頭威冇尾陣；麥美恩、泰臣則鬥晒古怪猙獰表情，意圖擾亂對方。玩得最落力的非「綜藝競技女王」陳自瑤莫屬，當要回答「喺街踩到狗屎，第一個反應係講一個咩嘅中文字」時，她先是怕醜地說：「唔出得街架喎！」但為了能成功報仇，最終還是豁出去在思捷耳邊細細聲講出答案，期間更露出尷尬表情。
陳自瑤與隊友為答啱歡呼。
姜麗文戰鬥格。
大合照，秦沛（右六）都嚟咗探班。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
