有男子遊說父母用公屋去抽居屋，然後借出私樓居住，但網民憂賣樓趕走兩老。示意圖片
有網民在「親子王國」討論區發文，稱身邊有人本身已置業，但以孝順為由遊說父母交出公屋去抽居屋，然後打算讓出私樓供父母住，但做法惹來質疑。
發文者透露，有一名長輩的兒子以孝順父母為由，想父母居住好一些，勸父母用公屋綠表去抽居屋，由兒子供樓。外界聽到都覺得兒子頗為孝順，但老人家拒絕提議。
但之後兒子一直不心息，屢次勸父母抽居屋。兒子本身有樓，「想將父母換到嘅居屋攞嚟自住，將自己間私樓畀父母住，私樓就當投資房」。發文者質疑，長輩有其他仔女，而且兒子常常呼喝父母，連媳婦都不太尊重、看不起其父母。發文者於是請教網民「如果你係果位長輩 你會唔會肯？」。
有網民指，「肯！既然個仔肯供咪換囉，第時走咗渣都冇，益下個仔都好呀！」、「居屋要係父母名， 私樓畀父母要白紙黑字寫低」。
但不少網民有保留，「講到尾都係唔想父母唔響度時，白白畀返間公屋政府啫。 其實無所謂，但我一定要住返間居屋，仲要睇吓個仔性格係咪古古惑惑果隻，係就no la，點知會唔會臨老俾佢趕出街？」、「好睇平時咩關係，如果明知目的唔係為父母，我做父母就唔制，連屋都無得住咪死」、「咁情況唔會抽居屋，抽時講乜都得，我識有人就係咁情況，個仔結婚後生咗小朋友唔夠住，就千方百計趕個老人家去老人院住，當時仍身體健康，可自己照顧自己的，間屋居就個仔住哂。」
有人也擔心會兄弟姐妹不和，「俾我一定唔肯!自己係公屋住得好哋哋，做乜要換居屋?而且，仔女有幾個，點解要聽其中一個話?」、「個仔供供下唔供咪玩死自己玩死其他仔女？到時兄弟姐妹們為間屋嘈，老人家唔會想見到」。
帖文轉自個仔叫父母交公屋用綠表抽居屋
立即下載｜全新《星島頭條》APP：https://bit.ly/3yLrgYZ
