有港女對男朋友投入打機大感困惑。網上圖片（示意圖）
打機是不少男性的共同嗜好。有港女在網上討論區表示，另一半為了玩賽車遊戲更加逼真，竟然決定扔了家中的椅子，瞞着她購買一張賽車櫈回家，令她哭笑不得。
這名港女表示，她的男朋友經常與好兄弟玩一款賽車遊戲，早前這款遊戲的最新版本上市，因此估計男朋友會購買遊玩。她早前向男朋友詢問是否已買，男朋友稱暫時未買，要等兄弟一齊玩。然而，這名港女好奇問男朋友好兄弟時，好兄弟卻稱早已買了這款遊戲，目前是等男朋友一齊玩。港女對此大感困惑，「就覺得有啲奇怪，我又唔係唔畀佢玩呀」。
直至近日，家中收到一個大型包裹，裏面竟然是一張二手賽車櫈，經詢問後才得知真相，「原來佢為咗玩個隻賽車game專業啲，佢特登上網買咗張二手賽手櫈，打算放喺房入面打機用。就連之前話等埋佢個好兄弟先一齊買game返屋企打都係假，原來一早已經買咗隻game返屋企，只係等緊張櫈到貨。明明佢都冇咁多位放呢張櫈，佢竟然話冇位咁咪丟咗而家張櫈囉！」
港女對此哭笑不得，問網友們：「真係有咁鍾意打機咩？用手掣係咪已經滿足唔到佢，一定要買埋張櫈返嚟有齊裝備先可以玩？」
網民則紛紛留言，坦言「每個人都有佢自身既興趣啦，冇嚴重影響正常生活、情侶關係咪算鬼數囉」、「女人買衫買手袋也差不多。各有所好」、「呢啲係男人嘅浪漫 ，女人唔會明」。
資料來源：香港討論區
立即下載｜全新《星島頭條》APP：https://bit.ly/3yLrgYZ
