前無綫高層余詠珊自組製作公司「好好製作」的頭炮，是為香港開電視製作節目《疫境中的餐桌》，搵嚟七師傅（七仙羽）出任嘉賓，七師傅自認廚藝了得，快靚正又好味，她最想煮番茄薯仔營養餐畀MIRROR及ERROR，令他們第二度發育變得更加靚仔。 採訪：方騫平 攝影：沈健程
自由身的七師傅幫開電視做節目嘉賓。
七師傅用韭菜花為Ricky及Jacky加持。
《疫境中的餐桌》於本周一晚開始喺香港開電視77台播放，而昨晚及下周一（11日晚）兩集就由七師傅跟星級大廚張錦祥（Ricky）及余健志（Jacky）學煮既簡便，又零失敗嘅番茄炒蛋及黑松露炒蛋意大利包。
七師傅大讚松露醬法包好味。
P圖相被讚靚好開心
七師傅早年喺尼泊爾寺廟修行時曾煮過百人份量嘅齋菜畀僧人食，她最擅長煮薯仔。至於最想煮畀邊個食？七師傅即說：「之前經常喺電視台見到MIRROR及ERROR，見佢哋早上食即食麵，下午食快餐好唔健康，尤其姜濤消化唔好，薯仔幫到消化，番茄又可以養顏。」七師傅自爆日前再見到姜濤，發覺姜濤比前靚仔咗，同埋再長高，可能同佢拍《季前賽》日日打籃球有關，𠵱家高過佢一個頭。
日前七師傅同姜濤合照，讚他高咗又靚咗。
七師傅指MIRROR令食唔健康。
烹飪功夫了得的七師傅關心ERROR飲食。
七師傅早年喺尼泊爾寺廟修行時曾煮過百人份量嘅齋菜畀僧人食。
另外，七師傅喺社交平台放上仙女look相，被讚索爆似黃翠如，她直認係靠美圖，而且P得好重手𠻹：「畀自己發吓夢𠱁吓自己開心都好呀！人生就好似發夢咁。」
七師傅開心P圖後被讚靚。
每星期七師傅都會做善事，日前於街頭派菜。
更多第5波疫情資訊，請到以下專頁瀏覽（按此）
立即下載 | 全新《星島頭條》APP : https://bit.ly/3yLrgYZ
