本地獨立歌手Tyson Yoshi（程浚彥）今年人氣急升，最近推出新歌《i don't smoke & i don't drink》，MV上架十日已衝破30萬點擊，成績相當不錯。Tyson Yoshi日前更宣佈將衝出亞洲，聯同好友TIAB於4月底飛往英國舉行三場《Hi I'm Back》演唱會。
文：楊凱程 圖：鄧國良
Tyson Yoshi今次創作新歌的重點是為自己平反，外界常標籤他為「食煙飲酒講粗口」的壞男孩，他坦言以前真的有吸煙習慣，但現在已戒掉，而對上一次飲醉酒已經是2019年，希望大眾不要因為他的外貌和紋身而斷定他是一個怎樣的人，更舉例說：「MV中同𨋢的媽媽，擔心小孩與我接近，其實係親身經歷。」有份執導MV的Tyson表示滿意成績，「本來想簡簡單單拍MV，點知傾吓傾吓超出預算，最後決定俾個天揀，拍攝場地有期就拍，無期就唔拍，點知真係有期！」
Tyson Yoshi日前和張敬軒、林家謙等人在社交平台開live，心血來潮想播demo，發布在社交平台後引來迴響，他當初因為開解一位粉絲而創作這首歌：「事緣有位粉絲私訊我，當時未有咁多人follow、好容易就睇到，他說想輕生，我好擔心佢有，於是一路開解佢，最後佢話願望是叫我唱一首歌俾佢聽，於是錄咗俾佢。」
Tyson Yoshi宣佈將聯同好友TIAB於4月底飛往英國舉行三場《Hi I'm Back》演唱會，會先後到倫敦、伯明翰及曼徹斯特演出，他笑言這次是「被逼」tour：「本來我自己演唱會係三月，延期至五月，現在又延至八月，希望八月可以真係搞到啦！」一早已有停工經驗的他表示今次不能坐以待斃：「我去台灣的時候，嗰陣淨係等，等了一年都冇嘢發生，所以今次一停的時候，我的諗法就是不要期望會很快好轉。」於是他馬上和一班朋友和經理人商量，看看有沒有其他人參與，最後好友TIAB肯一齊去！被問到有否擔心當地售票情況？他輕鬆表示：「賣唔賣晒又冇乜所謂，當去旅行玩，整個成本cost仲平過喺香港搞show ！」他更透露除了英國外，還有其他地方正商討中，但尚未落實。
今次英國之旅大約為期半個月，Tyson Yoshi表示6月前會回港準備8月的個人演唱會。至於女友Christy因要工作及照顧家中貓貓、未能同行，早前Tyson開live回應女朋友被網民攻擊，表示很心痛女友：「講我自己冇乜嘢，講身邊人就唔係幾好，好似上次講屋企人咁，我覺得對他們不公平，令我有點自責和無奈。」不過他表示女友EQ較高，反而勸他不要生氣。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
