ViuTV劇集《反起跑線聯盟》今晚大結局，題材貼地令不少家人引起共鳴，小演員可愛又好戲，並已跟劇中父母建立感情。飾演潘燦良的兒子Martin（真名：植海維）演出生鬼，鏡頭後與潘燦良亦如同兩父子般打成一片。
劇中被潘燦良暗戀的周家怡在社交網上載短片，片中見Martin纏着潘燦良咬他的手，令潘燦良束手無策，流露慈父笑容說：「餓到食人。」身旁的Billy仔也看到耍手忍不住笑，負責拍片的周家怡也笑不停，留言：「Venus看到的Charles and Martin，呢對父子真係好sweet。今晚最後一集，真係唔捨得。」
潘燦良被劇中囝囝咬完，都無得反抗。
仲要笑得好開心，真係一臉慈父樣。
同人唔同命，飾演周家怡囝囝的Billy（真名：徐立德），日前開live時被爆見到劇中爸爸張建聲驚到喊，因對方個樣太惡，被錫一啖後情緒崩潰，父子同場拍攝第二日已經想辭演，最後要分場拍攝，張健聲亦自言老貓燒鬚：「我自問對小朋友有一手，嗰日係我第一日開工，仲諗住呢舖掂，因為我有姪仔姪女，湊慣小朋友，以為𠱁細路離不開嗰幾招熱身，點知…」最後要Billy全家幫忙安撫，解釋眼前的惡煞爸爸其實是好人，Billy才放下戒心讓張建聲任抱任拖，成功修補「父子」關係。
Billy驚咗張建聲，阿聲個樣都好無奈。
劇中做衰老公，一家三口合照都得來不易，（右一）監製劉偉恒。
更多第5波疫情資訊，請到以下專頁瀏覽按此
立即下載 | 全新《星島頭條》APP: https://bit.ly/3yLrgYZ
