黃子華、鄧麗欣、張繼聰、王菀之、林明禎及陳湛文主演的電影《飯戲攻心》，原定是賀歲片跟觀眾拜年，可惜當時第5波新冠疫情嚴重，戲院因防疫措施而要暫時關閉，結果電影被迫押後上映。不過今日《飯》帶多多個好消息，除了入圍第24屆意大利烏甸尼遠東電影節競賽單元（Far East Film Festival），同時獲提名競逐The Mulberry Award最佳劇本大獎外，電影更落實將在今年中秋節上映。
子華神收到消息後開心表示：「一直都覺得劇本勁！單靠幾場食飯戲就講到幾兄弟嘅愛情、親情、以及難以解決嘅問題， 一套做到好癲的喜劇同時又能營造出溫情感覺，難度的確相當之高。接住新戲會喺中秋上映，希望大家去欣賞一下入圍烏甸尼遠東電影節嘅作品。」
相信好多影迷都想快啲睇到子華演出。
電影講及子華神、張繼聰（右）及陳湛文（左）三人的兄弟情。
另外，導演陳詠燊同樣表示電影能夠入圍競賽單元感到非常開心：「今次更開心嘅係電影獲得最佳劇本提名，由於自己係編劇出身，所以對劇本會比較着緊，自己編寫嘅劇本能夠得到認同，覺得好振奮。咁多年嚟都覺得喜劇好難寫，既要好笑又要言之有物，更要包含情感在內，很難拿捏得好平衡。」
電影集合搞笑、親情等不同元素。
陳詠燊對於作品入圍烏甸尼遠東電影節的競賽單元，心情興奮。
更多第5波疫情資訊，請到以下專頁瀏覽
按此
立即下載 | 全新《星島頭條》APP : https://bit.ly/3yLrgYZ
