森美上月留家抗疫，冇得健身導致身形脹咗唔少，當時森美話會努力做運動，畀一個月時間佢做出成績！而日前防疫措施獲放寬，健身室重開森美都即去舉啞鈴，於IG分享影片，本來信心滿滿拎起個20KG啞鈴的他，一段時間冇健身手仔都冇晒力，惟有轉拎一個輕磅啲嘅啞鈴，他也笑言：「有啲嘢返嚟，有啲嘢返唔到嚟，再做過！再大隻過！」
森美之前勁fit！
一個疫情令佢搞成咁……
有得健身即刻做返夠本！
啱啱先開始重新健身，想睇腹肌就冇嘞！不過森美都有晒吓「老鼠仔」，網民都大讚有型，不過亦都有網民留意到森美個friend「腩仔」仲未走噃！但就比起一個月前嘅肚腩細咗唔少，睇嚟森美真係好勤力在家運動，希望健身室重開，佢快啲操返啲肌肉，騷畀大家睇吓啦！
老鼠仔甦醒嘞！
不過有網民留意到「腩仔」仲未走。
太耐冇健身，啞鈴太重拎唔起。
拎個輕啲操住先。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
