陳山聰今日以代言人身份為維特健靈活關素拍攝廣告,他表示兒子快2歲,自己年紀都唔細,加上熱愛跑步,尤其跑馬拉松那幾年未有好好保養,令關節和膝頭日漸勞損,甚至影響右邊膊頭,笑言下雨前夕總是會關節痛,故品牌早前送產品讓他試,他試完覺得不錯,加上近來《金宵大廈2》熱播,品牌索性邀請他做代言人,大家一拍即合。
![山聰希望全世界早日回復正常,大家安居樂業,身體健康。](https://image.hkhl.hk/f/1024p0/0x0/100/none/046fe068594eaf2a5b3ed02803312b1d/2022-04/576db997-2e6e-4473-aa62-ef0394f3a148.jpg)
山聰希望全世界早日回復正常,大家安居樂業,身體健康。
問到酬勞是否很好?他笑說:「OK啦,又唔係我收,我都係幫個仔代收,有咗家庭同小朋友之後,所有事都係為佢嘅將來著想,亦好感恩得到《金2》帶挈。(多了工作?)現在政策剛剛放寬,除咗廣告都有幫商場拍攝,各行各業呢兩年都好辛苦,對大家嘅影響好大,希望全世界早日回復正常,大家安居樂業,身體健康。」
至於會否希望父子檔拍廣告?山聰笑謂要睇囝囝Jaco肯不肯,或者找胡定欣和Jaco合作,又讚囝囝成長得很快,現在出街會自動自覺戴口罩,對鏡頭亦很敏感,笑言日前帶Jaco去公園玩,見附近人不多,一說要幫他影相,Jaco就自己除口罩擺甫士,比他更識搶鏡。談到《金2》已進入結局篇,山聰呼籲大家要留意結局,稱有意想不到的彩蛋。
![陳山聰認年紀唔細,加上鍾意跑馬拉松,關節同膝頭都要好好保養。](https://image.hkhl.hk/f/1024p0/0x0/100/none/9ff087d15dc33f648a82d4b0d19e770f/2022-04/ed89ed46-6187-4fe5-8fa8-99b5c72cba63.jpg)
陳山聰認年紀唔細,加上鍾意跑馬拉松,關節同膝頭都要好好保養。
![Jaco喺社交平台出鏡率仲高過爸爸。](https://image.hkhl.hk/f/1024p0/0x0/100/none/02aef6cd04ccd1bfce182e8595272d56/2022-04/joelshanchung_279138887_1304953169993814_5585364228693171989_n.jpg)
Jaco喺社交平台出鏡率仲高過爸爸。
更多第5波疫情資訊,請到以下專頁瀏覽按此
立即下載 | 全新《星島頭條》APP: https://bit.ly/3yLrgYZ