洪卓立（Ken）與劉沛蘅（Hillary）公開戀情後，大方在社交網貼合照晒恩愛，昨日二人又再放閃出「聯名Po」，同步貼文及上載以二人影子作背景，兼打上由王菀之主唱兼作曲、黃偉文填詞的《末日》歌詞字幕的片段。片中二人清唱《末日》這首歌，憑歌寄意希望大家珍惜當下。
洪卓立同Hillary出「聯名Po」真係好sweet。
末日都要喺埋一齊，幾浪漫。
Ken和Hillary寫道：
「多年前第一次聽到《末日》，他感動得哭了，然後最近他聽到很多發生在身邊的生離死別，又再次想起這首歌，即興的唱了起來，唱到一半，身邊的她默默地流淚。
他： 如果呢一刻世界末日，妳只可以打一通電話，妳會打俾邊個？
她：唔使打電話，我就喺你身邊。
他：如果妳唔喺我身邊，我會用盡方法去搵妳。
他們想記下這一刻，沒有配樂，沒有專業器材，沒有完美的技巧，用最純粹的聲音，提醒自己和大家珍惜當下。」
被閃爆的一眾網民以「家姐姐夫」來稱呼二人，祝他們一直幸福，又向他們催婚，留言：「別要讓自己後悔，早日結婚」、「已經閃到咩都睇唔到」、「我糖尿病嘅話一定係因為你哋」。
合唱《末日》，仲要係清唱，話要記住呢一刻。
自從公開戀情後，就經常一家大細（狗狗）一齊出鏡。
更多第5波疫情資訊，請到以下專頁瀏覽按此
立即下載 | 全新《星島頭條》APP : https://bit.ly/3yLrgYZ
