《聲生不息》上周首播大獲好評，新人炎明熹（Gigi）及曾比特（Mike）更是一曲成名，引起內地網民關注。現年只有17歲的Gigi除登上內地熱搜榜冠軍，微博粉絲數量更由6萬激增至21.1萬（截至今午1時30分），而她首集獻唱的《蜚蜚》，官方視頻更在6日內錄得逾110萬點擊佳績，成為該集點擊率最高歌手。
Gigi首集唱《蜚蜚》，大獲好評。
多咗好多人關注Gigi。
節目今晚播出第二集，Gigi今次有天后楊千嬅帶住，一同合唱千嬅的代表作《勇》，二人惺惺相惜。Gigi在節目中表示很想跟千嬅合作，而千嬅都對Gigi讚口不絕：「後生可畏，佢咁樣即衝出嚟。我內心都好想同佢唱，我有睇《聲夢傳奇》，佢某程度上係好勇敢。咁佢呢剎那嘅勇氣，同我走到中年嘅勇氣，我哋嗰種歷程嘅對照如果可以搬上舞台係會好有意思。」Gigi則補充謂：「我哋諗到跨時空對話，佢係一個長大版嘅人，我係一個細版嘅人。」
Gigi舉手想同千嬅合唱。
Gigi和音勁正。
Gigi同天后合唱唔怯場。
千嬅與Gigi以一黑一白造型亮相，Gigi和唱的部份尤其出色，二人柔中帶剛的歌聲讓人耳朵懷孕。原來錄影當日適逢Gigi十七歲正日生日，向來出人意表的Gigi獻唱完畢後開心滿足地笑說：「我今年收到最好嘅生日禮物，就係同千嬅合唱！」之後即換來全場送上生日祝福，場面熱鬧。
千嬅大讚Gigi。
更多第5波疫情資訊，請到以下專頁瀏覽按此
立即下載 | 全新《星島頭條》APP : https://bit.ly/3yLrgYZ
