53歲嘅伍詠薇(伍姑娘)近年影視作品唔多，但一出就好有Noise，如之前佢喺《金宵大廈2》其中一個單元「雙魚」演恐怖操控狂單親阿媽「芬姐」，因為40秒換20次表情獲網民激讚。日前，伍姑娘同結婚23年的老公練海棠去銅鑼灣買嘢，兩公婆由買嘢到等車都有講有笑，最厲害係伍姑娘好眼利，話咁快就發現記者仲手指指。採訪:娛樂組
多得「芬姐」一角，坊間有好多伍姑娘嘅訪問，知佢為咗演繹「芬姐」刻意減7磅，減到全身乾晒，連毛孔都清晰可見，又知佢今年7月1日同老公練海棠結婚23周年，雖然老公曾爆出約會異性，但未造成婚姻危機，夫妻從冇講過離婚二字，全靠溝通將感情昇華，「一隻筷子打唔響，多謝佢多年來對我嘅包容，基本上我哋唔會鬧交，會去傾」。
講唔完嘅話題
日前傍晚，伍姑娘喺銅鑼灣名店坊的日本護膚品牌買嘢，拎住兩大袋嘢嘅練海棠之後加入，兩公婆一見面已經有嘢講，然後加入埋售貨員，三個人相當好傾。買完嘢一離開，伍姑娘去洗手間前發現記者，全程望到實再手指指，示意記者，「見到你啦」，記者爭取時間問練生，佢話買咗啲紅酒，當晚用嚟宴客。等埋老婆，兩人一齊離開，等車期間，兩人Keep住有對話，睇訪問記得伍姑娘講過同老公嘅關係，「我哋而家相處得好舒服，關係亦師亦友，是彼此好好嘅傾訴對象。」記者力證，係堅的。
更多第5波疫情資訊，請到以下專頁瀏覽按此
立即下載 | 全新《星島頭條》APP : https://bit.ly/3yLrgYZ
