姜麗文（Lesley）在單親家庭中長大，親生媽媽梁盛子在她1歲的時候已經離家，Lesley曾透露爸爸秦沛為爭撫養權耗盡全副身家，一手養大她和哥哥姜文杰，對生母雖沒有嬲，但亦沒有任何感覺。2016年梁盛子在加拿大因腦溢血猝逝終年60歲，有指兩兄妹都未有前往當地奔喪。
剛從泰國返港的Lesley前日出席《愛回家之開心速遞》宣傳活動，竟然被娛樂新聞台主持賴彥妤問到：「有冇計劃點樣同媽咪慶祝母親節呢？」」Lesley聽罷表現淡定，反而賴彥妤就好驚青，似乎有人提醒她「講錯嘢」，定眼望向攝影師疑被人阻止繼續發問，但Lesley就繼續大方回答：「母親節會同爸爸一齊慶祝，因為都有好幾年爸爸做單親，今年因為爸爸喺香港，所以會喺哥哥屋企煮餐好嘅畀佢食，同埋我都DIY咗嘢送畀佢。」
姜麗文回應大方得體，表現零尷尬。
娛樂新聞台主持賴彥妤眼神望向攝影師，似乎有人「提水」。
網友一面倒讚Lesley表現大方，卻斥責賴彥妤在發問前沒有做好功課，提問相當無禮，留言：「而家啲記者真係冇做好功課喎！咁尷尬嘅嘢，姜麗文答得好好呀」。現年27歲的賴彥妤，畢業於英國高雲地利大學法律系碩士，有兩個碩士同深造文憑學位，2020年參選港姐時已有「英國學霸」之稱；但在首輪已被淘汰未能進身準決賽，但最終仍加入TVB，現主力擔任娛樂新聞台主持一職。
泰沛一手養大一對子女，一直父兼母職。
賴彥妤是落選港姐，入行未夠一年，相信佢亦會汲取教訓。
更多新冠疫情資訊，請到以下專頁瀏覽 按此
立即下載 | 全新《星島頭條》APP : https://bit.ly/3yLrgYZ
