天王劉德華近年長駐內地工作，早前單立文(豹哥)到内地跟劉德華合作新戲時，更大爆對方非常有排場，至少有2名保鑣及8位工作人員跟身，相當架勢。但原來華仔私底下亦是一個住家男，今天（6日）他在抖音上載了一條做家務的短片，片中見他穿上一身灰色家居服，戴上口罩，拿著地拖在睡房拖地，不論牀下底及每一個角落華仔都非常細心，拖得一乾二淨，而他拎地拖的手勢更是有板有眼，非常純熟，似乎貴為天王的他，平日也有做家務的習慣。
華仔真係好落力，任何角落都抹晒。
網民都有留意到間房好大。
原來華仔私下係住家男人。
打掃完畢後，華仔更望向鏡頭，露出親切的笑容揮手打招呼，短片上載6小時已火速吸引逾200萬人點讚，更有不少網民大讚60歲的華仔，動作敏捷，全無老態，手臂上明顯有肌肉的線條，保養得宜。
另外，華仔的豪宅罕有曝光，片中所見房間非常闊落，加上落地大玻璃，視野開揚；同時亦有網民搜尋華仔同款睡床的價格，也只是2000元左右，不少人都紛紛留言大讚天王貼地親民。
乾淨晒，原來華仔瞓張床都唔係好貴，超貼地。
單立文爆華仔喺內地開工，排場十足。
更多新冠疫情資訊，請到以下專頁瀏覽 按此
立即下載 | 全新《星島頭條》APP : https://bit.ly/3yLrgYZ
