一連三日假期來到第二日，適逢母親節及佛誕，不少人外出慶祝，食肆都指生意理想，酒樓因應母親節推出特別套餐吸客。多區的酒樓晚上十分「旺場」，八人枱都坐滿，食客如果無訂枱都要等一等。有市民稱食外賣飯盒已經食了幾個月，有些菜式無辦法外帶，難得疫情緩和所以想食好一些。
市民帶同親友到酒樓聚餐。
市民帶同親友到酒樓聚餐。
市民帶同親友到酒樓聚餐。
不少家長帶同子女及父母齊齊聚餐慶祝，自從第五波疫情爆發以來終於可以聚餐，市民都與親友高談闊論。旺角一間酒樓負責人指，今年母親節生意較放寬措施前多2至3成，預計晚市生意額能夠達到疫情前6成半水平。
西環一間酒樓的負責人就指，上年紀市民多數喜歡在酒樓過節，今日早午市都多人出來飲茶，相比疫情前都有7、8成生意，比預期好1成左右。
也有酒樓負責人表示，母親節晚市的訂枱爆滿，但客人選擇餸菜較謹慎，例如海魚、鮑魚、海參、花膠，沒以往那麼多貴價食材。他預計生意額回復到疫情前8至9成。他期望政府盡快再放寬防疫措施，例如每枱人數上限。
立即下載｜全新《星島頭條》APP：https://bit.ly/3yLrgYZ
