江海迦（AGA）日前作客TVB娛樂新聞台節目《StarTalk》，接受主播許文軒（Edmond）訪問，大談多度延期紅館個唱，最終卻要取消的感受，她坦言的確好無奈：「其實而家自己個心態練得好好，的確好無奈，好似有又要再等嘅感覺。之前歌迷好好為自己集氣，成個團隊嘅熱誠令我好感動，所以之前未到最後一刻仍然堅持做綵排。」
AGA接受主播許文軒訪問。
問到當時有傳情緒出現問題，AGA說：「我自己好OK，其實一早同公司拎咗大假，諗住開完演唱會之後可以陪屋企人，因為本身爹哋媽咪喺澳洲返嚟睇我演唱會。我覺得今次係塞翁失馬，因為我真係兩年冇見過佢哋，我係一個工作狂，之前錯過好多時間，又犧牲同家人嘅時間，今次要好好珍惜，所以同公司講暫停宣傳工作，想Focus喺家人多啲！所以之前嘅假期，我真係做返個女，過慢活生活，可以同父母飲咖啡坐一個下晝都好開心。」
AGA談到明年是出道十年：「我諗最有成功感嘅地方，就係冇放棄。」她指出道至今自己寫歌都有壓力，因為可能會遇到樽頸，不過她自覺好好彩，靈感不絕。
AGA的紅館個唱因疫情而多次延期，最終更無奈取消。
更多新冠疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
