馮允謙（Jay Fung）將於7月舉行「Have a JAY Time 2022 演唱會」，今次是他首次開個唱，早前優先訂票火速售罄，反應熱烈，Jay開心之餘同時「飛債」纏身，非常頭痛。不過今日有好消息，由於政府公佈放寛表演場地入座率，大會宣佈加推380元座位門票及680元門票，定於明天（11日）同步公開發售。
Jay對於處男演唱會反應理想，當然相當開心。
今年是Jay出道10周年，終於夢想成真，7月2至4日假九展StarHall舉行首次個人演唱會，更首度挑戰四面台，令他既緊張又興奮。而大會公佈加推門票的消息，更令Jay喜上加喜：「係個好好嘅消息，因為有好多朋友和屋企人話好想嚟睇我個騷，但優先訂票賣晒，佢哋買唔到飛。依家增加入座率，多啲人入到場睇我表演，令我更加開心，令全場氣氛更溫暖。」
之前為新歌拍MV，隱約露胸肌。
開騷日期逐漸逼近，Jay透露歌單已準備好，不少重新編曲，所以要努力練歌背歌詞：「仲要排舞、操弗身體、練好把聲，雖然好多嘢要忙，但我好開心，因為真係等咗10年嘅機會，希望大家嚟睇我個騷睇到好High！」為了確保健康開騷，Jay乖乖戒口，平時最鍾意食煎炸食物及打邊爐等，統統暫時要遠離，笑言完騷後才會報復式狂食。
已經開始練歌記歌詞。
更多第5波疫情資訊，請到以下專頁瀏覽按此
立即下載 | 全新《星島頭條》APP : https://bit.ly/3yLrgYZ
