張敬軒去年的紅館跨年演唱會，其中8場因早前受疫情影響而被煞停，演唱會未能順利完成，軒仔亦大感失望。近日因應政府的防疫條例，軒仔將於今晚至本月29日，舉行16場的紅館演唱會，而獲安排睇補場的指定場次觀眾可持舊有門票睇騷。軒仔今早在社交平台貼出了一條演唱會part 2宣傳片，片中見原本已變成碎片的演唱會logo，隨着音樂慢慢拼合回完整的logo ，更有旁述表示：「有啲嘢唔完美咁發生過，總好過完美咁無發生。」
張敬軒去年的紅館跨年演唱會，其中8場受疫情影響要煞停。
張敬軒有感而發。
演唱會得以重開，軒仔亦有感而發寫道：「新常態嘅出現，令到生活當中嘅計劃好多時候都會被打亂，好多嘢都唔可以完美咁發生。當刻可能會不知所措，甚至會有各種情緒嘅出現。到個人定返，就要重新整理好自己，再向下一個目標同階段進發。」他再續指：「呢一個融滙咗整個團隊心血嘅舞台，四個月前因為疫情而需要拆卸，今晚又因為我哋彼此嘅約定同相互支持而重新建成。千言萬語都盡化作今晚嘅每一首歌，獻俾你，多謝你嘅支持；亦都送俾自己，提醒自己珍惜每個當下，把握好每個機會。各位今晚見﹗」不少歌迷看到短片都表示感動。
演唱會Logo由碎片，慢慢拼合回完整的Logo 。
張敬軒約定歌迷今晚見。
更多第5波疫情資訊，請到以下專頁瀏覽按此
立即下載 | 全新《星島頭條》APP : https://bit.ly/3yLrgYZ
