黃大仙疑有虐鴿狂徒出沒。一名黃大仙街坊於社交網發文指，在鳯德邨見到一名中年男子手持1隻野鴿，對方聲稱打算「放生」，並將野鴿扔到附近斜坡。當該名街坊上前查看時，發現野鴿已死去，他擔心男子有意捕捉，甚至虐殺野鴿，故決定報警處理，並呼籲附近街坊留意。
該名街坊於facebook群組發文指，昨日（15日）發現一名中年男子於硃鳳樓對開的馬路附近手持一隻野鴿，「沿路行見到佢單手捉住隻郁嘅鴿」，故立即喝停對方並詢問其動機。
黃大仙一名中年男子手持野鴿稱放生。FB圖片
黃大仙一名中年男子手持野鴿稱放生。FB圖片
該名中年男子則稱，「拎（野鴒）去放生」，惟樓主心感可疑，「我話你要放生就喺度放」，男子聞言便將野鴿扔上附近的斜坡，「我無為意佢走咗就行開咗」。樓主回頭一望，「見佢返轉頭，我又即刻返轉頭」。該男子眼見樓主沒打算離開，「佢見我唔走佢先走」。
樓主上前查看時，發現野鴿「已經俾佢整死咗」，懷疑該男子早有預謀捕捉野鴿帶走，甚至有意殺害野鴿，故特意發文呼籲街坊留意，「下一次可能可阻到此事發生」！他又指，經考慮後決定網上報警備案處理。
該名街坊上前查看時，發現野鴿已死去。FB圖片
帖文引起網民熱論，有街坊擔心該男子捕殺野鴿作不法用途，「睇相佢手揸住的鴿已經死亡，何解佢話放生，分明講大話」；亦有網民則指遇到同樣情況，應立即報警，「可以備案先，如有下次事件再發生又被人捉到係同一人，你嘅備案都係證據之一」。
資料來源：黃大仙區友(黃大仙，新蒲崗，鑽石山，慈雲山......)
立即下載｜全新《星島頭條》APP：https://bit.ly/3yLrgYZ
