長江基建（01038）舉行股東周年大會，主席李澤鉅表示，長建負債比率及融資成本低，正把握市況不景時的機遇，留意很多收購項目。他又稱，長建身為一個全球集團，將總部視作單一地方的概念，「係比較老土同唔係好啱呢個時代諗法」，近年亦已習慣在不同時區透過視像開會。
李澤鉅指出，長建目前的負債淨額對總資本淨額比率，已較截至去年底的14.7%更低，其信貸評級為A級及前景穩定，融資成本較低，「長建買新嘢能力，市場從來無懷疑，而家留意緊好多Deal（交易）。」他續稱，長建可夥拍同系的長實（01113）、電能（00006）等競投新項目，「睇嘢可以睇得闊啲」，特別是市況不好時，可以把握機遇，現時可以物色的對象亦不少。
他指出，長建身為全球集團，很久沒有正式的全球總部概念，「一個全球集團總部喺一個地方嘅概念，係比較老土，同唔係好啱呢個時代諗法」，並已習慣當執行委員會開會時，「主席喺邊個地方，就當係全球總部。」他又稱，近年科技發達，與會者都在不同地區透過混合實體及視像方式參與，「有時我自己都唔記得咗我喺邊個Time Zone（時區） 返工」，即使疫情之下受制人事往來，但部分員工索性在當地市場居住，整體運作影響輕微。
對於英鎊貶值對業務的影響，他重申，應視長建為全球企業，「而非香港或者美金公司」，指已面對英鎊升跌多年，當英鎊下跌必然影響盈利，但同時債務負擔亦會減少。
有股東問及長建的新能源項目發展情況，李澤鉅稱，已從事環境能源多年，表現亦不錯，「我哋少講咁解。」他亦如數家珍列出各個項目，包括電網管理、蓄能電池、太陽能接駁電網、電動車充電等發展在行內知名，同時亦指太陽能、風能、煤礦廢氣、生物甲烷、都市廢物與轉化淤泥等有多年經驗；業務遍及香港、英國、荷蘭及德國，「而家我諗開始會介紹多啲畀股東知。」
(tc)
