投訴王安仔童年遭歧視產生報復心理，渴望有朋友首度公開道歉。
Previous Next

方東昇主持的《尋人記II》昨晚（20日）播出第二集，方東昇一行人到「投訴王」安仔家中探訪，發現他並非人們口中所說的「傻仔」，生活上充滿小智慧，例如家中雜物太多，會用長棍伸長開關電掣，怕找不到電視搖控器便索性掛在天花板上，怕遺失錢包就用小保險箱代替，創意十足。

 

安仔嘅生活小智慧，就係用長棍遙距開燈。
安仔嘅生活小智慧，就係用長棍遙距開燈。
仲有發聲鐵盒錢包，既有天然防跌Alarm，亦可以當鏡照。
仲有發聲鐵盒錢包，既有天然防跌Alarm，亦可以當鏡照。

攝製隊更請來安仔四哥、好友梁牧師及數名元朗街坊大談對安仔看法。四哥直指胞弟「一係好到死，一係衰到死」，力數安仔三大陋習：「例遲、唔認錯、愛賴人」，但間中亦有窩心時：「我仔女又怕，太太又怕，我爸都話佢係鬼見愁。佢有時又幾好，幫佢執完屋佢會畀張增咗值一千嘅八達通我；又會買嘢送畀小販，話人哋對佢好。」梁牧師則認為安仔自小面對壓力及歧視，自卑感重，難與人建立互信。

 

安仔四哥形容安仔「又可憐又可恨」。
安仔四哥形容安仔「又可憐又可恨」。
安仔對愛錫佢嘅小販其實好好，會買番嘢送畀人。
安仔對愛錫佢嘅小販其實好好，會買番嘢送畀人。

 

呢日安仔一嚟到，即刻對食物要求多多。
呢日安仔一嚟到，即刻對食物要求多多。
當年安仔憑「燒肉搭燒骨」成名，成「最強投訴王」。
當年安仔憑「燒肉搭燒骨」成名，成「最強投訴王」。
安仔其實都有一位知己，佢叫梁牧師，只係大家已經好多年冇聯絡。
安仔其實都有一位知己，佢叫梁牧師，只係大家已經好多年冇聯絡。

 

細說童年被欺負及歧視

現時獨居的安仔渴望有朋友，他尋找攝製隊的真正目的，正是尋找認同及傾訴對象。攝製隊找來精神科專科麥醫生與安仔長談，經過3小時交流，安仔難掩激動，細訴被欺負及歧視的不快經歷，並怪責自己當初啞忍太軟弱，最終演變成「以牙還牙」。他說：「曾經有女學生行過，有學生憎我，在我後面趁機敲我個頭，要班長記低梁安國個名。我嗰時軟弱，唔識報警，只可以忍受。大個之後咪同舖頭結怨，有老闆話我『白癡仔』罰咗佢幾千。有一間仲過分，佢話『傻仔安』，搞我性器官。好呀，我咪用膠水塞佢鑰匙孔，有冤報冤，有仇報仇。」

對此麥醫生勸安仔多忍讓、少激動。醫生指安仔的徵狀與自閉症譜系障礙患者類似，又呼籲外界放下有色眼鏡：「有機會聽吓佢講嘢、理解吓佢，起碼唔係加多句傻仔，接受番安仔都係普通人，可能有少少精神科狀況。」

 

安仔細訴童年被欺負經過。
安仔細訴童年被欺負經過。
佢話當時嘅佢好軟弱。
佢話當時嘅佢好軟弱。
唔識報警。
唔識報警。
被人叫「傻仔安」好唔開心。
被人叫「傻仔安」好唔開心。
安仔同麥醫生一傾就三個幾鐘，期間主導發言權嘅安仔，細訴被欺負以及被歧視嘅不快經歷。
安仔同麥醫生一傾就三個幾鐘，期間主導發言權嘅安仔，細訴被欺負以及被歧視嘅不快經歷。

 

安仔首度公開道歉

安仔事事投訴，樹敵不少，這次為了向外界釋出善意，當主持方東昇問安仔會否考慮認錯，過往從不認錯的安仔馬上對鏡頭說：「如果我有咩對人唔住，請你哋寬恕我。」方東昇說：「原來安仔要尋嘅唔係我哋，佢只係尋求認同，讓人了解他的內心世界。」據知攝製隊昨日亦有致電安仔，出名愛投訴的安仔不但冇投訴，更笑言滿意，美中不足是攝製隊把他拍老了。

 

安仔都有跳脫一面。
安仔都有跳脫一面。
安仔真正想尋求嘅，只係認同。
安仔真正想尋求嘅，只係認同。

 

更多最新疫情資訊，請到以下專頁瀏覽 按此

立即下載 | 全新《星島頭條》APP : https://bit.ly/3yLrgYZ