姜濤現身機場引過百姜糖追星避談赴美目的

姜濤早前多次放風話自己將飛美國，而今日姜濤就現身機場，準備乘搭今晚6時50分的航班往美國，其三名工作人員於大約下午4時30分現身香港機場，其中兩人推三件行李走到航空公司的頭等櫃台辦理登機手續，過百姜糖(粉絲暱稱)守候姜濤現身。

姜濤今日飛美國。

姜濤本月中已經講定月底會赴美。

姜濤約下午5時現身香港機場，由帽到乾濕褸都係着Burberry。

下午5時左右，由帽至乾濕外套都係Burberry的姜濤現身機場，貫徹一身黑，戴口罩、帽和太陽眼鏡包到實，工作人員陪他落車，現場過百姜糖圍著他，他直接走向閘口，場面有少許混亂，但未出現意外。沿途不斷有姜糖為姜濤加油打氣，期間有姜糖遞紙袋給他，但他並沒接收，直接走到閘口。記者問到姜濤此行飛美國的目的，他亦無回答，直接走到閘口前，應機場保安要求，除低口罩、眼鏡和帽，臨入閘時，一班姜糖大叫加油、保重、等你返來，姜濤揮手示意拜拜，但全程冇講過嘢。