Anson Lo冇綵排一口氣跳唱3首歌冇「甩碌」入行愈耐難題愈多

MIRROR「教主」盧瀚霆（Anson Lo）昨晚（24日）跟張天賦（MC）、馮允謙、許廷鏗、 Serrini、陳蕾及Dear Jane等，一同演出《CHILL CLUB Keep Going》演唱會。Anson Lo近日拍ViuTV新劇《百萬同居計劃》，由於太忙的關係，他在未有綵排下打頭陣演出，Anson Lo以一身黑色的型仔西裝造型登場，甫出場即引得台下叫聲震天。雖然無綵排，但他跳唱3首快歌也毫無難度，還首度在台上演繹《Mr. Stranger》，令一眾「神徒」（fans暱稱）興奮萬分。

Anson Lo以演唱會的主題「Keep Going」分享說：「最近呢4年，特別係去年，令我有好深刻感受，隨住做得愈耐，愈發現人生每日都有好多唔同嘅問題出現，但必須要繼續堅持，因為呢個課題係永遠唔會完，要堅持先可以向前望，希望大家一齊努力。而『Keep Going』仲有一個好深嘅課題，就係溝通，亦係由去年至今，我同身邊工作人員、家人、隊友一起學習嘅最大課題。」繼而再以熱爆歌曲《Megahit》與觀眾溝通，引得全場叫聲震天！

雖然冇時間綵排，但教主演出完全冇問題。

甫開場一口氣唱出3首快歌，炒熱全場。

同場還有Serrini，一身橙裙加大帽，好搶眼。

完成演出後，Anson Lo隨即回歸劇組開工，但他不忘在社交網貼圖留言給神徒：「希望大家喜歡今晚的表演，一連3首快歌實在是很有挑戰性!!現在要趕回去拍劇做『燈仔』，跟自己說聲~ 奸巴爺 #舞台的感覺真的好奇妙！」同場的MC也以主題分享感受，指追夢的途中如有一絲懷疑或怠慢，就會離夢想和想爭取的東西愈遠，因此無論前路有多少阻礙與艱辛都要Keep Going，指這是一個非常勉勵的詞語。