陳山聰和趙希洛在TVB新劇《十八年後的終極告白2.0》飾演夫婦，劇中有不少親熱戲，山聰指是希洛有史以來最大膽的演出，而希洛笑謂除了山聰外，與譚俊彥及一個神秘角色皆有親熱戲，指3個拍檔在親熱戲方面甚有經驗，會教她如何將情慾場面拍得好睇兼優雅。
不過希洛自爆拍攝時被山聰嫌肥：「有場戲係講佢抱起我，點知佢即刻話我好重，其實當時都減咗10磅，不過都被嫌棄，Shaun（譚俊彥）見到我食嘢都會話：『妳又食呀？』」陳山聰指因為希洛在劇中有不少性感衣著，因此要好好維持身形，又笑指抱過姚子羚後再抱希洛才知甚麼叫輕，更拖李施嬅落水，指她同樣不輕。
演員到社會服務社跟街坊玩了一個下午。
陳山聰和趙希洛先甜……
而後苦……
希洛又說今次出動了不少私伙靚衫，當中更有媽咪梁小玲的衣服：「媽咪啲衫有啲窄，但好彩都拉得上，佢身材比我好，腰瘦過我，上圍又豐滿過我，不過之前疫情多咗時間留喺屋企，所以都肥返10磅，要做運動減肥。」至於山聰可會不讓太太收看親熱戲？他笑言最近會叫太太返夜班，稱太太對他很信任，從不會來監場探班，笑謂最親熱的場面僅是咀戲。
趙希洛稱被陳山聰嫌肥。
兩人在劇中的服飾都襯到絕。
演員們向街坊送上小禮物。
更多最新疫情資訊，請到以下專頁瀏覽 按此
立即下載 | 全新《星島頭條》APP : https://bit.ly/3yLrgYZ
