林芊妤（Coffee）一家三口是圈中模範家庭，她經常在社交網晒溫馨家庭照。適逢老公翟志榮生日，Coffee昨日（2日）特別訂了酒店房，帶同囝囝翟德彥（伯伯）一家三口去Staycation為老公慶生，她亦有在社交網貼出相片及短片大晒恩愛，其中Coffee不但做生日女郎向老公送上蛋糕，她更在鏡頭前主動狂咀老公，十分搞笑。
Coffee原本打算和伯伯率先到達酒店打點一切，等候老公到來，但她入房後已發現原來酒店已經準備好一切，包括整枱甜品和糖果給伯伯，Coffee笑言：「似我個仔生日多啲！」晚上一家三口到餐廳晚餐，Coffee抱着伯伯進食大呻：「場面一片混亂，下次唔帶佢。」
一家三口到酒店Staycation慶祝，簡單而滿足。
當然唔少得在酒店食晚餐。
Coffee做生日女神向老公送上蛋糕。
晚餐後Coffee一家三口回到房間，相約友人在房內切蛋糕，Coffee化身生日女郎向老公送上蛋糕，她笑問老公：「50歲？48歲？係42歲。」接着老公已瞬間吹熄蠟燭，Coffee問他是否已許願，老公稱已許了，接着她已肉緊地攬着老公狂咀，搞到拍片的女性朋友也忍不住大叫，Coffee又問老公愛不愛她、有幾愛她，她老公面紅紅笑謂：“Yes, ......too much.”
首先兩人輕輕咀嘴……
跟住Coffee主動咁攬住老公狂錫……
睇相都見到Coffee幾肉緊……
最後係咁問老公有幾愛自己……
伯伯真係冇眼睇…
更多最新疫情資訊，請到以下專頁瀏覽 按此
立即下載 | 全新《星島頭條》APP : https://bit.ly/3yLrgYZ
